کراچی سندھ بھر میں سی این جی اسٹیشن 48 گھنٹوں کے لئے بند

کراچی سمیت سندھ بھر میں سی این جی اسٹیشن صبح 8 بجے سے 48 گھنٹوں کے لئے بند کردیئے گئے۔


سوئی سدرن گیس کمپنی کے مطابق گیس لوڈ منیجمنٹ کے تحت کراچی سمیت سندھ بھر کے سی این جی اسٹیشنز پیر کی صبح 8 بجے سے جمعرات کی صبح 8 بجے تک بند رہیں گے۔ گیس حکام کے مطابق سی این جی اسٹیشن کی خلاف ورزی کی صورت میں اسے مزید 24 گھنٹوں کے لئے گیس کی فراہمی بند کردی جائے گی۔

سی این جی کی بندش کے پیش نظر صارفین رات بھر شدید سردی کے باوجود طویل قطاروں میں لگنے پر مجبور رہے۔ دوسری جانب سڑکوں پر پبلک ٹرانسپورٹ کی کمی نے عوام کو دہری مشکلات کا شکار کردیا ہے۔