ارجنٹائن کے کھلاڑی لائنل میسی کو چوتھی بار دنیا کا بہترین فٹبالر قرار دیا گیا۔
سوئٹزرلینڈ کے شہر زیورخ میں فٹ بال کی عالمی تنظیم فیفا کی جانب سے منعقدہ تقریب میں لیونل میسی کو سال 2012 کے بہترین کھلاڑی کا ایوارڈ 'بیلون ڈی اؤر' دیا گیا وہ مسلسل چوتھے برس سال کے بہترین کھلاڑی قرار دیئے گئے ہیں۔
واضح رہے کہ لیونل میسی نے 2012 کے کیلنڈر سال میں 91 گول کرکے جرمن فٹ بالرگرڈ میولر کا سب سے زیادہ گول کرنے کا ریکارڈ توڑا تھا ۔سال کے بہترین کھلاڑی کے اس اعزاز کے لیے ہسپانوی کلب ریال میڈرڈ کے کرسچیانو رونالڈو اور بارسلونا کے اینڈرس انیئسٹا بھی نامزد تھے۔