کراچی کے علاقے لیاری سے گینگ وار کا ملزم گرفتار ترجمان رینجرز

ملزم کو آگرہ تاج کالونی سے گرفتار کیا گیا اور اس کے قبضے سے اسلحہ بھی برآمد ہوا، ترجمان، فوٹو؛ فائل

---

رینجرز نے لیاری کے علاقے آگرہ تاج میں کارروائی کرکے گینگ وار کے ملزم کو گرفتار کرلیا۔

ایکسپریس نیوز کے مطابق رینجرز نے لیاری کے علاقے آگرہ تاج کالونی میں کارروائی کرکے گینگ وار کے ملزم کو گرفتار کرلیا۔ ترجمان رینجرز نے بتایا کہ ملزم محمد رمضان کا تعلق لیاری گینگ وارکے کچھی گروپ سے ہے، ملزم کے قبضے سے7 ایم ایم، 2 ٹرپل ٹو، ایک 223 رائفل، دو 30 بور پستول، ڈبل ٹو رائفل، ایمونیشن، غیرملکی کرنسی، 5 جعلی پاسپورٹ اور مختلف اقسام کے 1320 راؤنڈز برآمد ہوئے ہیں جو اس نے گھر میں چھپا رکھے تھے۔ ترجمان کے مطابق اسلحہ شہرمیں بے امنی پھیلانے کیلیے استعمال ہونا تھا۔