ٹرک اور پک اپ میں تصادم 2افراد ہلاک ایک زخمی

عینی شاہدین کا کہنا ہے کہ تصادم اس قدر شدید تھا کہ ہلاک شدگان کے چہرے مسخ ہوگئے جبکہ حادثے کے بعد ڈرائیور ٹرک سمیت فرار ہونے میں کامیاب ہوگیا۔ فوٹو: فائل

---

کاکیپوتہ اسٹاپ پر پک اپ اور ٹرک میں تصادم، 2 افراد موقع پر ہی ہلاک جبکہ ایک زخمی ہوگیا، ڈرائیور ٹرک سمیت فرار۔

تفصیلات کے مطابق ٹنڈوالٰہیار سے میرپورخاص جانے والی سڑک پر واقع کاکیپوتہ اسٹاپ پر خواجہ گوٹھ سے آنے والی پک اپ ٹرک سے ٹکرا گئی جس کے نتیجے میں پک اپ کی اگلی سیٹوں پر بیٹھے 28 سالہ پریم چند اور 25 سالہ سوٹو بھیل موقع پر ہی ہلاک ہوگئے۔



جبکہ موتی بھیل شدید زخمی ہوگیا۔ عینی شاہدین کا کہنا ہے کہ تصادم اس قدر شدید تھا کہ ہلاک شدگان کے چہرے مسخ ہوگئے جبکہ حادثے کے بعد ڈرائیور ٹرک سمیت فرار ہونے میں کامیاب ہوگیا۔