بال ٹھاکرے کی زبان بولنےوالےعمران خان کو بھارت بھجوادینا چاہیے عابد شیر علی

ISLAMABAD:
وزیر مملکت برائے پانی و بجلی عابد شیر علی کا کہنا ہے کہ پاکستان میں بال ٹھاکرے کی زبان بولنے والے عمران خان کو بھارت بھجوادینا چاہیے۔

ملتان میں میڈیا سے بات کرتے ہوئے وزیر مملکت برائے پانی و بجلی عابد شیرعلی کا کہنا تھا کہ پنجاب میں پختونوں کے ساتھ ظلم کے بیان پر عمران خان کو شرم آنی چاہیے،عمران خان ناصرف دہشت گردوں کے سب سے بڑے سہولت کار ہیں بلکہ یہ اسلام آباد میں دہشت گردوں کا دفتر بھی قائم کرنا چاہتے تھے، انہوں نے پاکستان کو توڑنے کی سازش کی اور نفرت کا بیج بویا ہے تاہم جو کام بھارت نہیں کرسکا وہ عمران خان نے کردیا۔ انہوں نے کہا کہ عمران خان بال ٹھاکرے کے چھوٹے بھائی ہیں اوربال ٹھاکرے کی زبان بولنے والے کو بھارت بھجوا دینا چاہیے۔


اس خبر کو بھی پڑھیں : عمران خان پاکستان کے بال ٹھاکرے نہ بنیں

عابد شیرعلی نے کہا کہ شاہ محمود بتائیں دربار سے ملنے والے کروڑوں روپے سے کتنی بیواؤں کےسر پر ہاتھ رکھا، مخدوموں کے ڈبل شاہ کو بھی اب حساب دینا ہوگا جب کہ جہانگیر ترین ڈاکو ہے اور اس کا منشی عمران خان ہے، جہانگیر ترین نے کسانوں کا مال کھایا اور استحصال کیا۔