دبئی میں 10لاکھ درہم کی ملازمت حاصل کرنے کا نادر موقع

دبئی کے حکمران نے لوگوں کی خدمت گزاری کے عوض اس پرکشش ملازمت کی پیشکش کی ہے، فوٹو؛ فائل

---

دبئی کے حکمران شیخ محمد بن راشد المخدوم نے سوشل میڈیا کے ذریعے ایک ملازمت کی پیشکش کی ہے جس میں اس ملازمت کے عوض 10 لاکھ درہم تنخواہ سمیت دیگر مراعات کا اعلان کیا گیا ہے۔

سماجی رابطے کی ویب سائٹ ٹوئٹر پر دبئی کے حکمران شیخ محمد بن راشد المخدوم اپنی ٹوئٹ میں انتہائی آسان کام کے عوض 10 لاکھ درہم تنخواہ سمیت دیگر مراعات کی ایک ملازمت کا اشتہار شیئر کیا۔ اشتہار سوشل میڈیا پر آتے ہی وائرل ہوگیا جس میں دبئی کے حکمران کا کہنا تھا کہ ہمیں ان لوگوں کی ضرورت ہے جو ہمارے ساتھ کام کرنے کے لیے تیار ہوں جب کہ ملازمت کرنے والے کو 10 لاکھ درہم سمیت دیگر مراعات اور بونس بھی دیا جائے گا۔

نبحث عن #صناع_الأمل في عالمنا العربي ... pic.twitter.com/vKIprUvfK6

— HH Sheikh Mohammed (@HHShkMohd) February 27, 2017

اشتہار میں شیخ محمد بن راشد نے مطالبہ کیا کہ ملازمت کے خواہشمند امیدواروں کو درخواست دینے کے لیے ضروری ہے کہ انہیں لوگوں کی خدمت کرنا آتی ہو اور اس حوالے سے ان کے پاس کسی ایک ادارے یا کسی خیراتی ادارے میں کام کرنے کا تجربہ ہونا چاہیے جہاں ان کا مقصد صرف لوگوں کو خوش رکھنا ہو۔ انہوں نے کہا کہ دنیا بھر سے امیدواروں کو اس کام کے لیے خوش آمدید کہا جائے گا۔