رائلی روسو بھی فائنل کھیلنے پاکستان نہیں آئیں گے

فائنلسٹ ٹیم کو پاکستان کرکٹ بورڈ کی جانب سے فراہم کی گئی فہرست میں سے غیرملکی کرکٹرز کا انتخاب کرنا ہو گا ۔ فوٹو پی ایس ایل

---

پاکستان سپر لیگ میں کوئٹہ گلیڈی ایٹرز کی نمائندگی کرنے والے جنوبی افریقی کرکٹر رائلی روسو نے بھی فائنل کیلیے پاکستان آنے پر معذرت کر لی ہے۔ ٹیم کے مینٹور سر ویون رچرڈز اور فیلڈنگ کوچ جولین فاﺅنٹین فائنل کیلیے لاہور آئیں گے۔ فائنلسٹ ٹیم کو پاکستان کرکٹ بورڈ کی جانب سے فراہم کی گئی فہرست میں سے غیرملکی کرکٹرز کا انتخاب کرنا ہو گا۔

سماجی رابطے کی ویب سائٹ پر رائلی روسو نے کہا ہے کہ بوجھل دل کے ساتھ یہ کہنا پڑ رہا ہے کہ میں فائنل کھیلنے کیلئے لاہور نہیں آ رہا۔

For those still unsure its with a sad heart that I must announce that i will not be taking part in the final.

— Rilee Rossouw (@Rileerr) March 1, 2017

رائلی روسو نے کہا ہے کہ کوئٹہ گلیڈی ایٹرز کی ٹیم اور اس کے مداحوں کا شکر گزار ہوں، ان جیسے پرجوش اور شائستہ لوگوں سے پہلے نہیں ملا، تمام ٹیم اور مداحوں کا سپورٹ پر شکر گزار ہوں۔

اس خبر کو بھی پڑھیں :فائنل کیلئے ٹاپ غیرملکی کھلاڑی نہ آئے تو کوئی بات نہیں اور آجائیں گے

The people and fans of @TeamQuetta are the most passionate and humble ive ever met. Thank you for my time here and all the support!!!

— Rilee Rossouw (@Rileerr) March 1, 2017

اس سے قبل کوئٹہ گلیڈی ایٹرز کی نمائندگی کرنے والے کیون پیٹرسن، لیوک رائٹ، ٹائمل ملز اور ناتھن میکولم فائنل میں شرکت نہ کرنے کا اعلان کر چکے ہیں۔ جب کہ کوئٹہ گلیڈی ایٹرز نے ٹوئٹر پر کہا ہے کہ ٹیم کے مینٹور سر ویون رچرڈز اور فیلڈنگ کوچ جولین فاﺅنٹین فائنل کیلیے لاہور آئیں گے۔

اس خبر کو بھی پڑھیں :غیرملکی کھلاڑی پی ایس ایل فائنل کھیلنے پر رضامند ہوگئے

Our foreign players have decided against coming to Lahore for @thePSLt20 final but Sir Vivian Richards & @JulienFountain will be there.

— Quetta Gladiators (@TeamQuetta) March 1, 2017

فائنلسٹ ٹیم کو پاکستان کرکٹ بورڈ کی جانب سے فراہم کی گئی فہرست میں سے غیرملکی کرکٹرز کا انتخاب کرنا ہو گا۔ پاکستانی شائقین نے پی ایس ایل میں شرکت پر پلیئرز کا شکریہ ادا کرتے ہوئے لکھا کہ ایونٹ کو کامیاب بنانے پر آپ کے شکر گزار ہیں۔ آپ کے فیصلے کا احترام کرتے ہیں۔