برینڈن میک کولم انگلش ٹی 20 ایونٹ کے لیے مڈل سیکس کو جوائن کریں گے

اس بار وہ کائونٹی ٹیم کو 9 مقابلوں کیلیے دستیاب ہوں گے: فوٹو: فائل

---

سابق کیوی کپتان برینڈن میک کولم انگلش ٹوئنٹی 20 ٹورنامنٹ میں مڈل سیکس کو دوبارہ جوائن کرینگے۔

سابق کیوی کپتان برینڈن میک کولم انگلش ٹوئنٹی 20 ٹورنامنٹ میں مڈل سیکس کو دوبارہ جوائن کرینگے، اس کا اعلان انگلش کائونٹی نے بدھ کو کردیا، 35 سالہ برینڈن نے گذشتہ سیزن میں بھی مڈل سیکس کیلیے 6 میچز کھیلے تھے، تاہم اس بار وہ کائونٹی ٹیم کو 9 مقابلوں کیلیے دستیاب ہوں گے، ٹورنامنٹ 7 جولائی سے3 اگست تک شیڈول ہے۔

جاری کردہ بیان میں برینڈن میک کولم نے کہا تھا کہ میں مڈل سیکس کو دوبارہ جوائن کرنے پر بہت خوش ہوں اور ٹی 20 بلاسٹ میں ٹیم کیلیے فعال کردارادا کرنے کا خواہاں ہوں گا، مڈل سیکس کے منیجنگ ڈائریکٹر آف کرکٹ اینگس فریزر نے برینڈن کی خدمات دوبارہ میسر آجانے پر خوشی کا اظہار کیا ہے۔