لاہور کے علاقے مزنگ میں گھر میں آتشزدگی سے 3 افراد جاں بحق

جاں بحق ہونے والے تینوں افراد کے جسم 100 فیصد جھلس چکے ہیں۔ فوٹو: ایکسپریس نیوز

---

مزنگ کے علاقے میں گھر میں آتشزدگی سے میاں بیوی اور بچی جاں بحق ہو گئے۔

ایکسپریس نیوز کے مطابق لاہور کے علاقے مزنگ میں ایک عمارت کے تیسرے فلور پر واقع فلیٹ میں آتشزدگی کے باعث 3 افراد جاں بحق ہو گئے۔ جاں بحق ہونے والوں میں میاں بیوی اور بچی شامل ہیں۔

اس خبر کو بھی پڑھیں: لاہور کےعلاقے کوٹ لکھپت میں گھر میں آتشزدگی سے ماں بیٹی جاں بحق

ریسکیو 1122 حکام کے مطابق گھر میں آگ لگنے کی وجہ تاحال معلوم نہیں ہو سکی تاہم زاہد اس کی بیوی ثمینہ اور بچی عائشہ کا جسم 100 فیصد جھلس چکا ہے۔