پی ایس ایل فائنل کیلئے شیخ رشید نے 500 روپے والا ٹکٹ حاصل کر لیا

پی ایس ایل کا فائنل دیکھنے کے لئے جہاں کرکٹ شائقین مشکلات کے باوجود ٹکٹ کے حصول کے لئے کوشاں ہیں وہیں عوامی مسلم لیگ کے سربراہ شیخ رشید بھی کسی سے پیچھے نہیں اور انہوں نے بھی پی ایس ایل کا فائنل دیکھنے کے لئے ٹکٹ حاصل کر لیا ہے۔

ایکسپریس نیوز کے مطابق پی ایس ایل کا فائنل دیکھنے کے لئے شیخ رشید نے 500 روپے والا ٹکٹ حاصل کر لیا ہے اور ان کا کہنا ہے کہ عام عوام کے ساتھ بیٹھ کر ہی پی ایس ایل کا فائنل دیکھوں گا اور سیٹیاں مار کر میچ کو خوب محظوظ کروں گا۔


اس خبر کو بھی پڑھیں: پی ایس ایل فائنل ٹکٹوں کی فروخت دوسرے روز بھی جاری

واضح رہے کہ پی ایس ایل کے دوسرے ایڈیشن کا فائنل دیکھنے کے لئے شائقین کی بڑی تعداد ٹکٹوں کے حصول کے لئے بینکوں کے باہر لمبی قطاریں لگائے کھڑی ہے اور جن افراد نے ٹکٹ حاصل کر لیا ہے ان کی خوشی کا تو ٹھکانہ ہی نہیں ہے۔