پی ایس ایل فائنل سابق کپتانوں اور بورڈ سربراہان کو دعوت نامے ارسال

پی سی بی کے سابق سربراہان خالد محمود، توقیر ضیا، اعجاز بٹ، نسیم اشرف اور دیگر کو دعوت نامے بھجوا دیے گئے ہیں۔ فوٹو : فائل

---

پاکستان کرکٹ بورڈ نے پی ایس ایل فائنل کیلیے سابق کپتانوں، بورڈ سربراہان اور کرکٹرز کو دعوت نامے ارسال کر دیئے۔ حکام نے عمران خان اور توقیر ضیاءکو مدعو کرنے کے حوالے سے لاعلمی کا اظہار کیا ہے۔

گزشتہ روز لیجنڈ کرکٹرز کو دعوت نامے ارسال نہ کرنے کی خبریں آنے کے بعد پاکستان کرکٹ بورڈ کے حکام نے بتایا ہے کہ پی سی بی کے سابق سربراہان خالد محمود، توقیر ضیا، اعجاز بٹ، نسیم اشرف اور دیگر کو دعوت نامے بھجوا دیئے ہیں۔

اس خبر کو بھی پڑھیں : پی سی بی نے لیجنڈ کرکٹرز کو بھلادیا

لیجنڈ کرکٹرز حنیف محمد، امتیاز احمد اور فضل محمود کی فیملیز کو بھی مدعو کیا گیا ہے جب کہ جاوید میانداد، عبدالقادر، ماجد خان، راشد لطیف اور عامر سہیل کو بھی مدعو کر لیا گیا ہے۔ علاوہ ازیں پی سی بی حکام نے سابق کپتان عمران خان اور سابق چیئرمین بورڈ ذکاء اشرف کو دعوت نامے بھجوانے سے لاعلمی کا اظہار کیا ہے۔