علی ظفر کی پی ایس ایل کی اختتامی تقریب میں پرفارم کرنے سے معذرت

علی ظفر نے سماجی رابطے کی ویب سائٹ ٹوئٹر کے ذریعے فائنل میں اپنی عدم شرکت سے آگاہ کیا، فوٹو؛ فائل

---

معروف گلوکار علی ظفر نے پاکستان سپر لیگ کے دوسرے ایڈیشن کی اختتامی تقریب میں پرفارم کرنے سے معذرت کرلی۔

گلوکار علی ظفر نے پاکستان سپر لیگ کے دوسرے ایڈیشن کے لیے ٹائٹل سانگ ''کھیل جمے گا'' گا کرلیگ کو چار چاند لگائے ہیں جب کہ دوسرے ایڈیشن کا فائنل لاہور میں ہونے جارہا ہے جس میں جہاں کئی غیر ملکی کھلاڑیوں نے شرکت سے معذرت کرلی ہے وہیں کچھ کھلاڑی فائنل میں شرکت کے لیے تیار بھی ہیں لیکن اب گلوکار علی ظفر بھی فائنل میں اپنی پرفارمنس نہیں دے سکیں گے۔

علی ظفر نے سماجی رابطے کی ویب سائٹ ٹوئٹر کے ذریعے فائنل میں پرفارم کرنے سے معذرت کی۔ گلوکار کا کہنا تھا کہ پی ایس ایل کی اختتامی تقریب میں پر فارم نہیں کر سکوں گا اور یہ ایک بڑا یادگار لمحہ ہے جس کے پر امن ہونے کی امید ہے۔

Contrary to the news, I won't be performing at the PSL closing ceremony. It is indeed a big moment, hope we get to celebrate in safety.

— Ali Zafar (@AliZafarsays) March 3, 2017

علی ظفر نے فائنل میں اپنی عدم شرکت کی وجہ بتاتے ہوئے کہا کہ فلم کی شوٹنگ میں مصروفیت کے باعث شریک نہیں ہوسکوں گا لیکن فائنل کے کامیاب انعقاد کے لیے دعائیں اور نیک تمنائیں ہیں۔

2/2 unfortunately stuck with shooting schedule for the film. But lots of love and prayers. #AbKhelJamayGa. #pakistanzindabad.

— Ali Zafar (@AliZafarsays) March 3, 2017

واضح رہے کہ علی ظفر نے دبئی میں پی ایس ایل کی افتتاحی تقریب میں شاندار پرفارمنس کا مظاہرہ کیا تھا۔