لاہورہائیکورٹ نے سکندرجتوئی کی ایک دن کی حفاظتی ضمانت منظورکرلی

کراچی کی عدالت نے سکندر جتوئی کے خلاف ناقابل ضمانت وارنٹ جاری کئے ہیں۔ فوٓٹو: فائل

---

لاہور ہائیکورٹ نے شاہ رخ جتوئی کے والد سکندر جتوئی کی ایک دن کی حفاظتی ضمانت منظور کرلی۔

شاہ زیب قتل کیس کے مرکزی ملزم شاہ رخ جتوئی کے والد سکندرجتوئی نے لاہور ہائی کورٹ میں دائر کی گئی درخواست میں مؤقف اختیار کیا کہ وہ کل سپریم کورٹ میں پیش ہونا چاہتے ہیں تاہم خدشہ ہے کہ پولیس انہیں گرفتارنہ کرلے، جس پرلاہورہائی کورٹ نے ملزم سکندرجتوئی کی ایک دن کی حفاظتی ضمانت منظورکرلی۔

واضح رہے کہ سپریم کورٹ نے کل شاہ زیب قتل کیس میں شاہ رخ جتوئی اور اس کے والد سکندر جتوئی کو پیش ہونے کا حکم دے رکھا ہے جبکہ کراچی کی مقامی عدالت نےبھی دونوں کے خلاف ناقابل ضمانت وارنٹ گرفتاری جاری کر رکھے ہیں۔