سی ٹی ڈی نے راولپنڈی میں دہشت گردی کی کوشش ناکام بنادی

چکوال سے 2 دہشت گردوں کو گرفتار کرلیا گیا جو پنڈی میں دہشت گردی کرنا چاہتے تھے، سی ٹی ڈی حکام، فوٹو؛ فائل

---

سی ٹی ڈی نے چکوال میں کارروائی کرتے ہوئے 2 دہشت گردوں کو گرفتار کرلیا جو راولپنڈی میں دہشت گردی کی بڑی کارروائی کرنا چاہتے تھے۔

ایکسپریس نیوز کے مطابق کاؤنٹر ٹیررازم ڈیپارٹمنٹ نے چکوال میں کارروائی کرکے 2 دہشت گردوں کو گرفتار کرلیا۔ سی ٹی ڈی حکام کے مطابق دونوں دہشت گردوں نے راولپنڈی میں دہشت گردی کی بڑی کارروائی کا منصوبہ بنا رکھا تھا، ان کے قبضے سے بارودی مواد، سیفٹی فیوز اور ڈیٹو نیٹر برآمد ہوئے ہیں جب کہ ملزمان کی شناخت عامر اور طاہر کے نام سے ہوئی ہے۔