اوباما نے صدارتی انتخابات سے قبل میری فون کالز ریکارڈ کروائیں ڈونلڈ ٹرمپ

مجھے ایک اچھا وکیل کر کے اوباما کے خلاف مقدمہ درج کرانا چاہیئے تھا، ٹرمپ۔ فوٹو: فائل

---

امریکی صدر ڈونلڈ ٹرمپ نے سابق صدر باراک اوباما کو بیمار شخص قرار دیتے ہوئے کہا ہے کہ انہوں نے صدارتی انتخابات سے قبل میری فون کالز ریکارڈ کی تھیں۔

ڈونلڈ ٹرمپ نے اپنی ٹویٹ میں کہا کہ اوباما نے الیکشن سے ایک ماہ قبل ٹرمپ ٹاور میں میری فون کالز ریکارڈ کروائی تھیں لیکن انہیں اس سے کچھ بھی حاصل نہیں ہوا۔ انہوں نے کہا کہ کیا ایک ملک کے صدر کو یہ بات زیب دیتی ہے کہ وہ الیکشن سے قبل صدارتی امیدوار کی ٹیلی فون کال ریکارڈ کرے حالانکہ عدالت نے بھی ٹیلی فون ریکارڈ کرنے سے منع کر رکھا تھا۔

Terrible! Just found out that Obama had my "wires tapped" in Trump Tower just before the victory. Nothing found. This is McCarthyism!

— Donald J. Trump (@realDonaldTrump) March 4, 2017

امریکی صدر نے کہا کہ صدارتی انتخابات سے قبل ٹیلی فون ریکارڈ کرنے کے معاملے پر مجھے ایک اچھا وکیل کر کے باراک اوباما کے خلاف مقدمہ درج کرانا چاہیئے تھا۔

Is it legal for a sitting President to be "wire tapping" a race for president prior to an election? Turned down by court earlier. A NEW LOW!

— Donald J. Trump (@realDonaldTrump) March 4, 2017

دوسری جانب باراک اوباما کے ترجمان نے ڈونلڈ ٹرمپ کی جانب سے لگائے گئے الزامات کو مسترد کرتے ہوئے کہا کہ ٹرمپ کی جانب سے لگائے گئے فون کالز کی نگرانی کے الزامات سراسر جھوٹ پر مبنی ہیں۔

I'd bet a good lawyer could make a great case out of the fact that President Obama was tapping my phones in October, just prior to Election!

— Donald J. Trump (@realDonaldTrump) March 4, 2017