پی ایس ایل فائنل کیلئے شائقین کی قذافی اسٹیڈیم آمد کا سلسلہ جاری

شائقین کرکٹ کی سہولت کے لیے پی ایس ایل کے آفیشل گائیڈ بھی اسٹیڈیم پہنچ گئے ہیں، فوٹو : فائل

---

LONDON: پی ایس ایل فائنل کے لئے شائقین کی قذافی اسٹیڈیم آمد کا سلسلہ جاری ہے اور ٹکٹ رکھنے والے افراد کو شٹل سروس کے ذریعے گراؤنڈ پہنچایا جارہا ہے۔

ایکسپریس نیوز کے مطابق پی ایس ایل کے فائنل ٹاکرے کے لئے قذافی اسٹیڈیم کے دروازے شائقین کے لیے کھول دیے گئے ہیں اور شٹل سروس کے ذریعے ٹکٹ رکھنے والے افراد کو سخت چیکنگ کے بعد لبرٹی چوک سے قذافی اسٹیڈیم پہنچایا جا رہا ہے۔

اس خبر کو بھی پڑھیں : پی ایس ایل کے فائنل کی جنگ چھڑنے میں چند گھنٹے باقی

پرجوش شائقین کو قذافی اسٹیڈیم کے فیفا گیٹ کے باہر اتارا جا رہا ہے جب کہ شائقین کرکٹ کی سہولت کے لیے پی ایس ایل کے آفیشل گائیڈز بھی اسٹیڈیم میں موجود ہیں۔