افغان نائب سفیر دفتر خارجہ طلب افغانستان سے دہشت گرد حملے پر احتجاج

افغانستان حکومت واقعہ کی مکمل تحقیقات کروا کر نتائج سے فوراً آگاہ کرے، دفترخارجہ : فوٹو : فائل

---

لاہور: افغان سرزمین سے پاکستانی چیک پوسٹ پر دہشت گردوں کے حملے اور پاک فوج کے جوانوں کی شہادت پر دفتر خارجہ نے افغان نائب سفیر عبدالناصر کو طلب کرکے شدید احتجاج کیا۔

ایکسپریس نیوز کے مطابق پاکستانی دفتر خارجہ نے افغانستان سے ہونے والے دہشت گرد حملے اور پاک فوج کے 5 اہلکاروں کی شہادت پر افغان نائب سفیر عبدالناصر کو طلب کرکے احتجاج ریکارڈ کرایا۔

اس خبرکوبھی پڑھیں: افغانستان سے دہشت گردوں کے پاکستانی چیک پوسٹوں پر حملے، 5 اہلکار شہید

دفترخارجہ نے پاکستان میں تعینات افغان نائب سفیر عبدالناصر سے کہا ہے کہ حکومت افغان واقعہ کی مکمل تحقیقات کروا کر نتائج سے فوراً آگاہ کرے۔