ربیع الاول میں رات 8 بجے کے بعد لوڈ شیڈ نگ نہ کی جائے

ربیع الاول کے بابرکت مہینے کی آمد کے سلسلے میں گرومندر پر مسجد کنزالایمان کو برقی قمقموں سے سجایا گیا ہے۔ فوٹو: ایکسپریس

---

BRUSSELS: کراچی کی مختلف تنظیمات اہلسنّت کا اہم اجلاس گلزار حبیب مسجد میں منعقد کیا گیا جس میں تنظیمات اہلسنّت کے رہنمائوں حاجی حنیف طیب، ثروت اعجاز قادری،علامہ عرفان ضیائی، محمدحسین لاکھانی، مفتی عابد مبارک، الطاف پولانی، انور پٹنی،شعیب قادری، علامہ نثار علی اجاگر، مفتی آصف عبد اﷲ،شبیر ابو طالب ودیگر علمائے کرام اور رہنمائوں نے شرکت کی۔

اجلاس سے خطاب میں ثروت اعجاز قادری نے کہا کہ غلامان نبی اپنے نبیؐ کی ولادت کا جشن بھر پور انداز سے منائینگے، دہشت گردی، ٹارگٹ کلنگ، ناگفتہ بہ صورتحال سے خوفزدہ نہیں ہوں گے ، دلوں سے جذبہ عشق نبی کو ختم کرنے کی کوشش کرنے والے خود مٹ جائینگے، اجلاس سے خطاب میںعلامہ عرفان ضیائی نے کہا کہ جشن عید میلاد النبی کا مہینہ آنے سے قبل ہی غلامان نبی کراچی کی مختلف شاہراہو ں، علاقوں، محلوں اور مساجدوں پر خوب چراغاں کرتے ہیں جبکہ مختلف علاقوں میں عید میلاد النبی کے سلسلے میں محافل نعت کے جلوسوں کابھی اہتمام کرتے ہیں اوراپنے نبی کی ولادت کا مہینہ خوب جوش و خروش کے ساتھ مناتے ہیں۔



اجلاس سے خطاب میںحاجی حنیف طیب نے کہا کہ جشن عید میلادالنبی کے سلسلے میں جو چراغاں کیا جاتا ہے اس کا مکمل بل کے ای ایس سی کو ادا کیا جاتا ہے جس کااوسطاً بل کروڑوں روپوں میں لگایا جاسکتا ہے۔ اجلاس میں تمام علمائے کرام نے حکومت سے مطالبہ کیا ہے کہ جشن عیدمیلاد النبی کے مہینے میں رات 8 بجے سے لوڈ شیڈنگ نہ کی جائے اور کراچی کے مختلف علاقوں سے نکالے جانیوالے جلوسوں اور محافل کو فل پروف سیکیورٹی فراہم کی جائے۔