لاڑکانہ کیڈٹ کالج میں تشدد سے متاثرہ طالبعلم کی امریکا میں کامیاب سرجری

امریکا کی ریاست اوہایو کے سن سٹی اسپتال ميں محمد احمد کا کامیاب آپریشن کردیا گیا۔

ویب ڈیسک March 08, 2017

امریکا کی ریاست اوہایو کے سن سٹی اسپتال ميں محمد احمد کا کامیاب آپریشن کردیا گیا۔ فوٹو: فائل

لاڑکانہ کيڈٹ کالج میں مبینہ طور پر استاد کے تشدد سے قوت گویائی سے محروم آٹھویں جماعت کے طالبعلم کی امریکا میں کامیاب سرجری کردی گئی۔

ایکسپریس نیوز کے مطابق چند ماہ قبل لاڑکانہ کیڈٹ کالج ميں مبینہ طور پر استاد کے تشدد سے محمد احمد قوت سماعت اور گویائی سے محروم ہوگیا تھا۔ حکومت سندھ نے محمد احمد کو علاج کے لئے امریکا کی ریاست اوہایو کے سن سٹی اسپتال ميں داخل کرایا تھا جہاں اس کی کامیاب سرجری ہوگئی ہے۔

اس خبر کو بھی پڑھیں: لاڑکانہ کیڈٹ کالج میں تشدد کا شکارطالب علم محمد احمد علاج کیلئے امریکا روانہ

رشتے داروں کے مطابق امریکا میں زیرعلاج محمد احمد کامیاب آپریشن کے بعد اب بیٹھنے کے ساتھ معمولی بات بھی کرنے لگا ہے تاہم میڈیکل بورڈ دوسری سرجری کے لیے آج سر جوڑ کر بیٹھے گا۔