امریکی میگزین وائیرڈ نے کہا ہے کہ 2013 پاکستان کیلیے ڈرون حملوں میں تیزی لے کر آیا، رواں برس کے پہلے 8 دن میں 6 ڈرون حملوں میں 35 افراد ہلاک کرد یے گئے۔

2012 میں امریکا نے 43ڈرون حملے کیے جبکہ پاکستانی سرزمین پر 2010 میں سب سے زیادہ 122 ڈرون حملے کیے گئے۔

امریکی میگزین کی رپورٹ کے مطابق اوباما نے سی آئی اے کو مکمل آزادی دے رکھی ہے کہ وہ نہ صرف مشتبہ افراد کو مارے بلکہ ان کے خیال میں کوئی نامعلوم شخص ان کی پیروی بھی کرے تو اسے بھی ہلاک کردیا جائے۔