شمالی وزیرستان کے علاقے میر علی میں امریکی جاسوس طیارے کے میزائل حملے میں 4 افراد ہلاک جبکہ متعدد زخمی ہو گئے۔

ایکسپریس نیوز کے مطابق ڈرون طیارے نے عیسو خیل میں ایک مکان پر 4 مزائل داغے جس کے باعث مکان مکمل طور پر تباہ جبکہ مکان میں موجود 4 افراد ہلاک ہوگئے۔ حملے کے بعد بھی جاسوس طیارے کی پروازیں جاری رہیں، جس سے علاقے میں خوف و ہراس پھیل گیا ہے۔

واضح رہے کہ رواں برس اب تک جنوبی اور شمالی وزیرستان میں ہونے والے ڈرون حملوں میں 35 سے زائد افراد ہلاک ہوچکے ہیں ۔