توقیر صادق کو گرفتار نہیں کیا جاسکا تاہم سراغ لگا لیا ہے ایف آئی اے

KARACHI:
ایف آئی اے نے سپریم کورٹ میں سابق چیئرمین اوگرا توقیر صادق کی گرفتاری کی خبروں کی تردید کردی ہے۔


سپریم کورٹ میں اوگرا عملدرآمد کیس کی سماعت کے دوران ایف آئی اے کے ڈائریکٹر لیگل اعظم خان نے عدالت کو بتایا کہ توقیر صادق کی متحدہ عرب امارات میں موجودگی کا پتہ چلا ہے ، اس کی مسلسل نگرانی کررہے ہیں تاہم اس کی گرفتاری کی کوئی اطلاع نہیں۔ جسٹس جواد ایس خواجہ نے اپنے ریمارکس میں کہا کہ سب کے لیے برابر ہے لیکن ریاستی اداروں نے یہ ثابت کردیا کہ قانون امیر آدمی کیلئے نہیں،توقیر صادق کو نیرون ملک جانے میں خصوصی سہولت فراہم کی گئی۔

ڈائرکٹر لیگل ایف آئی اے نے عدالت عظمیٰ کو بتایا کہ توقیر صادق بیرون ملک کیسے گیا، اس کی تحقیقات کر رہے ہیں۔ جس پر جسٹس جواد ایس خواجہ نے ریمارکس دیئے کہ 4 ہفتے سے کیس چل رہا ہے کوئی بھی اصل بات بتانے کو تیار نہیں، ادارے صرف قیاس آرائیوں پر ٹرخارہے ہیں، پنجاب پولیس کی رپورٹ کے مطابق توقیر صادق کراچی سے بیرون ملک فرار ہوا۔ ڈائرکٹر لیگل ایف آئی اے نے کہا کہ توقیر صادق کی گرفتاری کے بعد ہی معلومات مل سکیں گی۔