بالی ووڈ اداکار رتیک روشن 39سال کے ہوگئے

10جنوری 1974 کو بھارتی ریاست مہارشٹرا کے شہر ممبئی میں ایک فلمی گھرانے میں پیدا ہوئے۔ فوٹو: پبلسٹی

---

PESHAWAR:

بالی ووڈ فلم انڈسٹری کے مشہور اداکاراورلاکھوں مداحوں کے دلوں کی دھڑکن رِتیک روشن نے اپنی 39ویں سالگرہ منائی۔

10جنوری 1974 کو بھارتی ریاست مہارشٹرا کے شہر ممبئی میں ایک فلمی گھرانے میں پیدا ہونے والے رتیک روشن نے 1980 میں پہلی بار صرف 6 سال کی عمر میں میں چائلڈ ایکٹر کی حیثیت سے کام کیا جب کہ بطور ہیرو اپنے بالی ووڈ کیرئیر کا آغاز 2000 میں فلم ''کہونا پیار ہے'' سے کیا، پہلی ہی فلم میں متاثر کن اداکاری پر رِتیک کو نہ صرف فلم فیئر کے بیسٹ میل ڈیبیو بلکہ بہترین اداکار کے ایوارڈ کا بھی حق دار ٹھہرایا گیا۔

فلم ''کہو نا پیار ہے'' میں شاندار کردار نگاری کا مظاہرہ کرنے والے ریتک نے پیچھے مڑکر نہیں دیکھا اور مشن کشمیر، لکشیا، کبھی خوشی کبھی غم، دھوم، کرش، کوئی مل گیا، جودھا اکبر، گزارش، زندگی نہ ملے گی دوبارہ اور اگنی پتھ جیسی کامیاب فلمیں دیتے ہوئے کئی ایوارڈز اپنے نام کیے۔

سال 12-2011 میں ایشیا کے سب سے پرکشش ترین مرد کا خطاب حاصل کرنے والے رِتیک روشن کا مومی مجسمہ 2011 میں لندن کے مادام تساو میوزیم جب کہ 2012 میں واشنگٹن کے مادام تساو میوزیم کی زینت بنایا گیا۔