بگ بی کے ساتھ مقابلہ نہیں کر سکتا عامر خان

میں نہیں سمجھتا کہ میں امیتابھ بچن کے آس پاس بھی کہیں کوئی جگہ رکھتا ہوں، عامر خان فوٹو: فائل

---

بالی ووڈ اسٹار عامر خان نے کہا ہے کہ وہ امیتابھ بچن کی کافی عزت کرتے ہیں اور ان کے ساتھ کبھی مقابلہ کرنے کا سوچ بھی نہیں سکتے۔

بھارت کے ایک ٹی وی نے "انڈیا پرائم آئیکن" کے نام سے ایک شو شروع کیا ہے جس میں امیتابھ بچن کے ساتھ عامر خان کو بھی شامل کیا گیا تھا لیکن عامر خان اس مقابلے سے باہر ہو گئے ۔

عامر خان کا کہنا ہے کہ میں نہیں سمجھتا کہ میں امیتابھ بچن کے آس پاس بھی کہیں کوئی جگہ رکھتا ہوں، میں ان کے ساتھ مقابلہ نہیں کر سکتا کیونکہ میں ان کی بہت عزت کرتا ہوں۔

امیتابھ بچن "انڈیا پرائم آئیکن" شومیں گجرات کے وزیراعلیٰ نریندر مودی اور سچن ٹنڈولکر کے ہمراہ ٹاپ 3 آئیکنز میں اپنی جگہ بنائے ہوئے ہیں۔

واضح رہے کہ امیتابھ بچن اورعامر خان نے ابھی تک کسی بھی فلم میں ایک ساتھ کام نہیں کیا۔