ویسٹ انڈیز کے خلاف ٹی 20 اور ون ڈے سیریز کیلیے31 ممکنہ کھلاڑیوں کا اعلان

لاہور: ویسٹ انڈیز کے خلاف ٹی 20 اور ون ڈے سیریز کیلیے 31ممکنہ کھلاڑیوں کا اعلان کر دیا گیا۔

تربیتی کیمپ 11 سے 17 مارچ تک قذافی اسٹیڈیم میں ہو گا، احمد شہزاد اور کامران اکمل اور فخر زمان کو بھی مدعو کیا گیا ہے۔ رومان رئیس، عثمان شنواری، شاداب خان اور محمد عباس بھی ممکنہ کھلاڑیوں کی فہرست میں شامل ہیں۔


اس خبر کو بھی پڑھیں : محمد عامر کی زنگ آلود صلاحیتیں سلیکٹرز کو بھی کھٹکنے لگیں

قومی سلیکشن کمیٹی کی جانب سے جاری کی جانے والی فہرست میں احمد شہزاد، محمد حفیظ، فخر زمان، اظہر علی، شان مسعود، بابر اعظم، شعیب ملک، عمر اکمل، آصف ذاکر، سعد علی، سرفراز احمد، کامران اکمل، فہیم اشرف، حسین طلعت، عماد بٹ، محمد عامر، حسن علی، وہاب ریاض، راحت علی، رومان رئیس، سہیل خان، جنید خان، سہیل تنویر، محمد عباس، عثمان شنواری، اسامہ میر، عماد وسیم، محمد اصغر، شاداب خان، محمد نواز اور یاسر شاہ شامل ہیں۔