جاوید آفریدی کی بھی پشاور زلمی اور کولکتہ نائٹ رائیڈرز کی سیریز کی تردید

کولکتہ نائٹ رائیڈرز اور پشاور زلمی کے درمیان میچ سیریز کی خبریں صرف قیاس آرائیاں ہیں، جاوید آفریدی، فوٹو؛ فائل

---

پشاور زلمی کے مالک جاوید آفریدی نے بھی اپنی ٹیم اور بھارت کی کولکتہ نائٹ رائیڈرز کے درمیان سیریز کی خبروں کی تردید کردی ہے۔

پاکستان سپر لیگ 2 کا فائنل جیتنے والی ٹیم پشاور زلمی اور انڈین پریمیئر لیگ کی ٹیم کولکتہ نائٹ رائیڈرز کے درمیان نیوٹرل مقام پر سیریز کے حوالے سے خبریں زیرگردش ہیں تاہم شاہ رخ کے بعد اب پشاور زلمی کے مالک جاوید آفریدی نے بھی دونوں ٹیموں کے درمیان سیریز کی تردید کردی ہے۔

اس خبر کو بھی پڑھیں : شاہ رخ کی کولکتہ نائٹ رائیڈرز اور پشاور زلمی کے درمیان سیریز کی تردید

We always welcome cricket for peace ,but there is no truth about @KKRiders & @PeshawarZalmi matches just speculations.Verily respect for 🏏

— جاوید آفریدی (@JAfridi10) March 9, 2017

جاوید آفریدی نے اپنی ٹوئٹ میں کہا کہ ہم امن کے لیے کرکٹ کو ہمیشہ خوش آمدید کرتے ہیں لیکن شاہ رخ خان کی ٹیم کولکتہ نائٹ رائیڈرز اور پشاور زلمی کے درمیان میچ سیریز کی خبروں میں کوئی صداقت نہیں، اس طرح کی خبریں صرف قیاس آرائیاں ہیں۔