اے پی سی کانفرنس پارٹی کے رہنماؤں اور کارکنوں پر حملوں کے خوف سے منعقد نہیں کی جارہی، اسفند یار ولی فوٹو: فائل
عوامی نیشنل پارٹی ( اے این پی) کے صدر اسفند یار ولی نے کہا ہے کہ کسی کو یہ اختیار نہیں کہ وہ غیر آئینی اور غیر جمہوری طریقے سے تبدیلی لائے۔
کراچی میں اے این پی کے صوبائی مرکز مردان ہاؤس میں پریس کانفرنس کرتے ہوئے اسفند یار ولی نے کہا کہ انہوں نے صدر آصف زرداری سے صدر کی حیثیت سے نہیں بلکہ پیپلز پارٹی کے شریک چیئرمین کی حیثیت سے ملاقات کی اور انہیں اے پی سی میں شرکت کی دعوت دی۔ انہوں نے کہا کہ اے پی سی کانفرنس پارٹی کے رہنماؤں اور کارکنوں پر حملوں کے خوف سے منعقد نہیں کی جارہی۔
سربراہ عوامی نیشنل پارٹی نے کہا کہ کسی کو یہ اختیار نہیں دیں گے کہ وہ غیر آئینی اور غیر جمہوری طور پر تبدیلی لائے، سیاسی جماعتیں دہشت گردی اور انتہا پسندی کے خلاف مشترکہ لائحہ عمل طے کریں اور لانگ مارچ کرنے والے اپنی تجاویز الیکشن کمیشن کو دیں۔ ان کا کہنا تھا کہ اگر الیکشن ملتوی ہوئے تو ملک کے لئے اس سے بڑا کوئی نقصان نہیں ہوگا۔