جینیفر لارنس کے لیے فیورٹ فلمی اداکارہ کا پیپلز چوائس ایوارڈ

لاس اینجلس: اداکارہ جینیفر لارنس فیورٹ مووی اداکارہ کا ایوارڈ حاصل کرنے پر مسکرارہی ہیں۔ فوٹو : فائل

---

فلم ''ہنگرگیمز'' نے پانچ مختلف کیٹگریز میں پیپلز چوائس ایوارڈ حاصل کرلیے۔

ادھرجینفر لارنس نے فیورٹ مووی اداکارہ کا پیپلزچوائس ایوارڈ جیت لیا ۔ پیپل چوائس ایوارڈز کی رنگارنگ تقریب لاس اینجلس میں منعقد ہوئی جس میں مداحوں نے ٹی وی، فلم اور میوزک سے وابستہ شخصیات کی تقدیر کا فیصلہ ووٹ دے کر کیا۔

فلم ''ہنگرگیمز'' کو پانچ مختلف کیٹگریز، بہترین فلم، ایکشن فلم، مووی فرنچائز، فلم میں ستاروں جینیفر لارنس، کرس ہچرسن کے درمیان کیمسٹری اور اداکاروں کو بہترین کارکردگی پر ایوارڈ دیا گیا۔



مزید برآں کیٹی پیری کوبھی تقریب کے دوران تین کیٹگریز بہترین گلوکارہ، پاپ گلوکارہ اور ان کے گانے'' پارٹ آف می'' کے ایواڈر ملے۔ تقریب کی میزبانی کیلے کوکو نے کی جب کہ گلوکارہ کرسٹینا ایگیلیرا، جیسن ایڈلین اور ایلیسیا کینر نے شو میں اپنی پرفارمنس پیش کی اورمداحوں کو جھومنے پرمجبورکردیا۔