نصیر الدین شاہ اور تبو کے ساتھ کام کرنا چاہتا ہوں سلمان

بالی وڈ کو ہر سال ہٹ فلمیں دینے والے اداکار سلمان خان لیجنڈ اداکار نصیر الدین شاہ اور کلاسیکی خوبصورتی کی حامل اداکارہ تبو کے ساتھ کام کے متمنی ہیں۔

سلمان خان نے اپنے ایک تازہ انٹرویو میں اپنے دل کی بات بتاتے ہوئے کہا کہ انھیں نصیر الدین شاہ اور تبو کے ساتھ فلم کرنے کی خواہش ہے جو نہ جانے کب پوری ہوگی۔




سلمان خان نے اس بات کی تصدیق کی کہ اس نے ہدایتکار ساجد نادیہ والا کی نئی فلم ''کک'' (ٹھوکر) میں کام کے لیے ہاں کردی ہے جب کہ فلم ''نو انٹری'' کے سیکوئل میں بھی وہ اداکار انیل کپور کے ساتھ کام کر رہے ہیں۔

سلمان خان نے بتایا کہ اپنے بھائی سہیل خان کے ساتھ مل کر ایک نئی فلم جو کہ تامل فلم ''سٹالن'' کا ری میک ہوگی کے لیے کام کی ابتداء کر چکے ہیں۔ فلم کا ٹائٹل جو کہ پہلے ''رادھے'' تھا تبدیل کر کے ''منٹل'' کر دیا گیا ہے۔ اس فلم میں سلمان رادھے کا رول ادا کرینگے۔ سلمان منٹل کی کاسٹ میں نصیر الدین اور تبو کو لینا چاہتے ہیں۔