رابعہ سٹی سے ملنے والا دستی بم ناکارہ بنا دیا گیا

پولیس کا کہنا ہے کہ تھیلے کی تلاشی کے دوران بم ڈسپوزل اسکواڈ کو دستی بم برآمد ہوا جسے ناکارہ بنا دیا گیا۔ فوٹو فائل

---

گلستان جوہر رابعہ سٹی بلاک 5-D کی کیاری میں مشکوک تھیلا دیکھ کر مکینوں نے فوری طور پر پولیس کو آگاہ کیا جس نے موقع پر پہنچ کر بم ڈسپوزل اسکواڈ کو طلب کرلیا۔

پولیس کا کہنا ہے کہ تھیلے کی تلاشی کے دوران بم ڈسپوزل اسکواڈ کو دستی بم برآمد ہوا جسے ناکارہ بنا دیا گیا، شارع فیصل پولیس کے مطابق 2 روز قبل رابعہ سٹی میں ٹارگٹڈ آپریشن کے دوران جرائم پیشہ عناصر نے خوفزدہ ہو کر مذکورہ دستی بم کو کیاری میں رکھ دیا تھا جس کی بروقت اطلاع علاقہ مکینوں نے پولیس کو دے کر دستی بم کو ناکارہ بنائے جانے میں اہم کردار ادا کیا ہے۔