سنجے دت کی زندگی پر فلم کا نام تجویز کریں اور انعام پائیں

مقابلے کی تقریب منعقد کریں گے جس میں لوگوں کو نام تجویز کرنے کا موقع دیا جائے گا۔ فوٹو: نیٹ

---

بالی ووڈ کے اسٹار اداکار سنجے دت کی زندگی پر مبنی فلم کا حتمی نام تاحال طے نہ ہو سکا۔

بھارتی میڈیا کے مطابق فلم ڈائریکٹر راجکمار ہیرانی فلم کی شوٹنگ کے لیے دیگر ساتھیوں ودھ ونود چوپڑا، ابھیجیت جوشی اور فلم کے اہم کردار رنبیر کپور کے ہمراہ بھوپال آئے اور یہاں انھوں نے اعلان کیا کہ سنجے دت کی ''بائیو پک ''کا ابھی تک نام طے نہیں ہوا ہے اور اس کے لیے وہ مقابلے کی تقریب منعقد کریں گے جس میں لوگوں کو نام تجویز کرنے کا موقع دیا جائے گا اور جس کا تجویز کردہ نام اچھا ہوگا اسے انعام دیا جائے گا۔