جسٹس احمد علی شیخ سندھ ہائی کورٹ کے چیف جسٹس مقرر

وزارت قانون نے دونوں ججز کی تعیناتی کا نوٹفیکشن بھی جاری کردیا ہے۔: فوٹو: فائل

---

صدر مملکت ممنون حسین نے جسٹس احمد علی شیخ کو سندھ ہائی کورٹ کا چیف جسٹس مقررکردیا ہے جب کہ سجاد علی شاہ اب سپریم کورٹ کے جج ہوں گے۔

ایکسپریس نیوزکے مطابق صدر ممنون حسین نے وزیراعظم نوازشریف کی تجویز پر سندھ ہائی کورٹ کے چیف جسٹس سجاد علی شاہ کو سپریم کورٹ کے جج کی حیثیت سے تقرری کی منظوری دے دی ہے جب کہ جسٹس احمدعلی شیخ اب سندھ ہائی کورٹ کے چیف جسٹس تعینات کئے گئے ہیں۔ وزارت قانون نے دونوں ججز کی تعیناتی کا نوٹیفکیشن بھی جاری کردیا ہے۔

واضح رہے کہ جسٹس سجاد علی شاہ کی سپریم کورٹ میں تقرری اور جسٹس احمد علی شیخ کی بحیثیت چیف جسٹس سندھ ہائی کورٹ تعیناتی کی سفارش جوڈیشنل کمیشن اور پارلیمانی کمیٹی پہلے ہی دے چکی ہے۔