یوم پاکستان پریڈ میں چینی اور ترک دستے بھی شریک ہوں گے آئی ایس پی آر

یوم پاکستان پریڈ میں پہلی بار چینی اور ترکی کے فوجی دستے شرکت کریں گے۔ فوٹو: فائل

---

KARACHI: مسلح افواج کے دستے یوم پاکستان کے موقع پر ہونے والی پریڈ کے لیے بھرپور تیاری کررہے ہیں جب کہ ملکی تاریخ میں پہلی بار چینی اور ترک فوجی دستے بھی پریڈ میں شریک ہوں گے۔

23 مارچ کو یوم پاکستان منانے کی تیاریاں بڑے زور و شور سے جاری ہیں اور اسی حوالے سے مسلح افواج کی پریڈ کے لیے تیاریاں بھی عروج پرپہنچ گئیں، پاک فضائیہ کے طیاروں نے وفاقی دارالحکومت کی فضاؤں میں ریہرسل کی جب کہ اس موقع پر آج صبح 11 بجے تک اسلام آباد کی فضائی حدود بند رہی۔

Pak Day Parade 23rd Mar 2017. Chinese Army Troops and Turkish Military Band will participate in the Parade. pic.twitter.com/BzwfPXcgK6

— DG ISPR (@OfficialDGISPR) March 13, 2017

پاک فوج کے شعبہ تعلقات عامہ (آئی ایس پی آر) کے مطابق 23 مارچ کو اسلام آباد میں یوم پاکستان کے حوالے سے منعقد پریڈ میں تاریخ میں پہلی بار چین کا فوجی دستہ جب کہ ترک فوج کا ملٹری بینڈ شرکت کرے گا۔