نیو کراچی سے اسکول کے زیر زمین چھپایا گیا بھاری اسلحہ برآمد ترجمان رینجرز

اسلحہ ایم کیوایم لندن کے شرپسند عناصر کا تھا جو شہر میں بے امنی کے لیے استعمال ہونا تھا، ترجمان، فوٹو؛ فائل

---

رینجرز نے نیوکراچی کے علاقے میں اسکول کے زیرزمین چھپایا گیا اسلحہ برآمد لیا جو ایم کیوایم لندن کا بتایا جاتا ہے۔

ایکسپریس نیوز کے مطابق رینجرز نے نیوکراچی کے علاقے سیکٹر 11 ایف میں اسکول میں کارروائی کرکے زیرزمین چھپایا گیا اسلحہ برآمد کرلیا۔ ترجمان رینجرز کے مطابق اسلحہ ایم کیوایم لندن سے تعلق رکھنے والے شرپسندعناصر نے اسکول میں زیر زمین چھپایا تھا جو شہر میں دہشت گردی اور بے امنی کے لیے استعمال کیا جانا تھا۔

ترجمان رینجرزنے بتایا کہ اسلحے میں 4 ایل ایم جی، دو8 ایم ایم رائفل، 2 سیون ایم ایم رائفل، پانچ 12بور، دو224 رائفل، ایک 44 بوررائفل، 2 تیس بوررائفل، 2 نائن ایم ایم پستول اور 3 دوربین سمیت مختلف راؤنڈزبھی شامل ہیں۔