طاہرالقادری کو میں نہ مانوں کی پالیسی ترک کردینی چاہئےرحمان ملک

الطاف حسین نے قوم کے وسیع تر مفاد میں فیصلہ کیا جس کےلئے ممنون ہوں ،رحمان ملک فوٹو: ایکسپریس/فائل

---

وزیر داخلہ رحمان ملک نےایم کیوایم کےلانگ میں شرکت نہ کرنے کے فیصلےکو سراہتے ہوئے کہا کہ طاہر القادری کو میں نہ مانوں کی پالیسی ترک کر کے لانگ مارچ سے دستبردار ہو نے کا کہا ہے۔

وزیر داخلہ رحمان ملک نے کہا ہے کہ الطاف حسین کا جمہوریت اور ملکی سالمیت کے لیے لانگ مارچ سے علیحدگی کا فیصلہ قابل تحسین ہے، انہوں نے کہا کہ الطاف حسین نے قوم کے وسیع تر مفاد میں فیصلہ کیا جس کےلئے ممنون ہوں۔

رحمان ملک نےکہاکہ حالات کا تقاضا ہے کہ ڈاکٹر طاہر القادری بھی لانگ مارچ سے دستبردار ہو جائیں، انہوں نے کہا کہ شہریوں کی جانیں لانگ مارچ سے زیادہ قیمتی ہیں ،امید ہے ڈاکٹر طاہر القادری مثبت جواب دیں گے اور دستبرداری کا اعلان کریں گے۔

دوسری جانب وزیرداخلہ رحمان اورمسلم لیگ(ق)کے صدرچوہدری شجاعت حسین نے ایم کیوایم کے قائد الطاف حسین کو ٹیلی فون کرکے لانگ مارچ میں شرکت نہ کرنے کے فیصلے کی تعریف کی۔