الطاف حسین اپنے ڈرون حملے کا خود شکارہوگئےچوہدری نثارعلی

پاکستان کو بھارت سے خیر کی توقع نہیں رکھنی چاہیے،چوہدری نثار فوٹو: فائل

---

قائد حزب اختلاف اورمسلم لیگ(ن) کے رہنما چوہدری نثار علی خان نے کہا ہے کہ الطاف حسین نے کل ڈرون نہیں خودکش حملہ کیا جس کا شکار وہ خود ہو گئے۔

پارلیمنٹ ہاؤس میں میڈیا سے گفتگو کرتے ہوئے چوہدری نثارعلی خان کا کہنا تھا کہ یہ پہلا موقع نہیں کہ الطاف حسین نے اپنے مشکوک سیاسی کردار پر پردہ ڈالنے کے لئے انتہائی متنازع باتیں کیں، انہوں نے کہا کہ وہ پہلے بھی قائد اعظم کی شخصیت کو متنازع بنانے کی کوشش کر چکے ہیں۔

چوہدری نثار علی خان نے کنٹرول لائن پر پیدا ہونے والی صورتحال پر بات کرتے ہوئے کہا کہ پاکستان کو بھارت سے خیر کی توقع نہیں رکھنی چاہئے، حکومت بھارت کےخلاف معذرت خواہانہ رویے کی بجائے دو ٹوک پالیسی اختیار کرے۔