سالگرہ مبارک ۔۔۔۔ مسٹر پرفیکشنسٹ

بالی ووڈ اسٹارز نےمسٹر پرفیکشنسٹ کیلیے نیک خواہشات کا اظہار کیا۔

---

ISLAMABAD: بالی ووڈ کے مسٹر پرفیکشنسٹ عامر خان آج اپنی 52ویں سالگرہ منارہے ہیں جب کہ سالگرہ کی تقریب میں فلمی ستاروں سمیت دیگر افراد شریک ہوئے۔

بالی ووڈ میں مسٹرپرفیکشنسٹ کے نام سے اپنی پہچان بنانے والے عامر خان 14 مارچ 1965 کو بھارت کے شہر ممبئی میں پیدا ہوئے جب کہ انہوں نے اپنے فلمی کریئر کا آغاز بطور چائلڈ اسٹار کیا لیکن بطور ہیرو ان کی پہلی فلم 1988 میں ''قیامت سے قیامت تک'' تھی، جس سے عامر خان کی ایک پہچان بنی اور اس کے بعد انہوں نے پیچھے مڑ کر نہیں دیکھا۔ عامر خان نے اپنے فلمی کیریئر میں متعدد بلاک بسٹر فلمیں دیں جو مداحوں کے ذہنوں میں نقش کر گئیں۔

عامر خان نے بالی ووڈ کے دیگر اداکاروں کی طرح اپنی مخصوص پہچان نہیں بنائی بلکہ مزاح، ایکشن، رومانس سمیت ہر موضوع پر فلم کی۔ '' پی کے'' کے لیے نئی زبان سیکھنا، ''دنگل'' کیلیے باڈی بلڈر بننا، یا فلم ''دنگل'' کیلیے پہلے وزن بڑھانا اور پھر کم کرنا، عامر خان نے ہر کردار کے ساتھ انصاف کرنے کے لیے بھرپور محنت کی اور یہی ان کی فلموں کی کامیابی کی وجہ بھی بنی۔ ان کی بلاک بسٹر فلموں میں انداز اپنا اپنا،غلام، رنگیلا ، راجہ ہندوستانی، سرفروش، عشق، لگان، دل چاہتا ہے، منگل پانڈے، رنگ دے بسنتی، فناح، گجنی، تھری ایڈیئٹز، پی کے اور دنگل شامل ہیں۔

بھارتی میڈیا رپورٹس کے مطابق عامر خان نے اپنی 52ویں سالگرہ کو یادگار بنانے کے لیے ممبئی میں ایک تقریب کا انعقاد کیا جس میں انہوں نے فلمی ستاروں سمیت دیگر افراد کو مدعو کیا جب کہ تقریب میں فلم ''دنگل'' کے حقیقی ہیرو پھوگاٹ کو بھی ان کے فیملی کے ہمراہ مدعو کیا گیا۔

دوسری جانب بالی ووڈ اسٹارز نے سماجی رابطے کی ویب سائٹ ٹوئٹر پر مختلف انداز میں مسٹر پرفیکشنسٹ کیلیے نیک خواہشات کا اظہار کیا۔ معروف ہدایت کار کرن جوہر نے انہیں سالگرہ کی مبارک باد دیتے ہوئے کہا کہ آپ کی طاقت ہمیشہ آپ کے ساتھ رہے۔

https://twitter.com/karanjohar/status/841516789272047621

ادکارہ رتیش دیش مکھ نے عامر خان کی تصویر شیئر کرتے ہوئے کہا کہ آپ کے ساتھ فلم دیکھنے کا تجربہ میرے لیے جادوئی لمحہ تھا، میری خواہش ہے کہ آپ ہمشہ ایسے ہی رہیں۔

Happy Birthday Dear @aamir_khan -Thank you making my movie watching experience magical. Have a great one.. a blessed one. Love always pic.twitter.com/L8VYYwQOiG

— Riteish Deshmukh (@Riteishd) March 14, 2017

 

اداکارہ جوہی چاؤلہ نے بھی اپنی ٹوئٹ میں عامر خان کے ساتھ 90 کی دہائی اور نئی تصاویر شیئر کرتے ہوئے سالگرہ کی مبارک باد دی۔

Aammmiirrr 😇😇😇😇😇🌼🌼🌼🌼🌼🌼hhaapppyyyy biirtthhddaayyy ..!!! 🌟🌟🌟🌟🌟🎁🎁🎁🎁🎁🎁🌼🌼🌼🌼🌼🌼🌼🎉🎉🎉🎉🎉@aamir_khan pic.twitter.com/iOKzyVA2FO

— Juhi Chawla Mehta (@iam_juhi) March 14, 2017