بالی ووڈ اداکارہ عالیہ بھٹ 24 برس کی ہوگئیں

بالی وڈ کی نامور اداکارہ عالیہ بھٹ آج اپنی 24 ویں سالگرہ منارہی ہیں۔

فلم 'اسٹوڈنٹ آف دی ائیر' سے اپنے کیرئیر کا آغاز کرنے والی اداکارہ عالیہ بھٹ آج اپنی 24 ویں سالگرہ منارہی ہیں، عالیہ بھٹ نے کرن جوہر کی فلم سے فلمی کیرئیر کا آغاز کیا اور اپنی منفرد اداکاری سے لاکھوں لوگوں کو اپنا مداح بنالیا اور آج عالیہ کا شمار بالی وڈ کی معروف اداکاراؤں میں ہوتا ہے۔

اس خبر کو بھی پڑھیں : عالیہ بھٹ اور سدھارتھ ملہوترا نے اپنی راہیں جدا کرلیں


بھارتی میڈیا کے مطابق سدھارتھ ملہوترا چاہتے تھے کہ وہ عالیہ کو سالگرہ کی مبارکباد سب سے پہلے دیں اور اسی لیے گزشتہ رات سدھارتھ ملہوترا عالیہ بھٹ کے گھر پہنچے جہاں دونوں نے ایک ساتھ سالگرہ منائی۔

سالگرہ کے موقع پر عالیہ بھٹ کے والد مہیش بھٹ اور ان کی بہن پوجا بھٹ نے ٹوئٹر پر اداکارہ کی بچپن کی تصویریں شئیر کرتے ہوئےانہیں سالگرہ کی مبارکباد دی اور عالیہ کے لیے نیک خواہشات کا بھی اظہار کیا۔