اورنگی ٹائون مبینہ پولیس مقابلے میں 2 افراد ہلاک

پولیس نے دعویٰ کیا ہے کہ ملزمان کے قبضے سے2 ٹی ٹی پستول اور موٹر سائیکل برآمد ہوئی جبکہ ہلاک ہونے والوں کی عمریں 25 سے 28 سال کے درمیان ہیں۔ فوٹو: اے ایف پی/ فائل

---

اورنگی ٹائون سیکٹر ساڑھے گیارہ الطاف نگر کے قریب پولیس نے مبینہ مقابلے کے دوران2افراد کو ہلاک کر دیا۔

پولیس کا کہنا ہے جمعرات اور جمعے کی درمیانی شب دوران گشت پولیس نے موٹر سائیکل پر سوار2مشکوک افراد کو رکنے کا اشارہ کیا تو انھوں نے پولیس پر فائرنگ کر دی اور فرار ہونے کی کوشش کر رہے تھے کہ پولیس نے تعاقب اور جوابی فائرنگ میں دونوں ملزمان کو ہلاک کر دیا، پولیس نے دعویٰ کیا ہے کہ ملزمان کے قبضے سے2 ٹی ٹی پستول اور موٹر سائیکل برآمد ہوئی جبکہ ہلاک ہونے والوں کی عمریں 25 سے 28 سال کے درمیان ہیں اور ان کی شناخت نہیں ہوسکی ہے، پولیس نے لاشیں ضابطے کی کارروائی کیلیے عباسی شہید اسپتال پہنچائیں۔