رونالڈینہونے شاہد آفریدی کو پاکستان کرکٹ کا ہیرو قرار دیدیا

رونالڈینہو برطانیہ سے تعلق رکھنے والی لائزر لیگز کی دعوت پر پاکستان کا دورہ کریں گے۔

Sports Desk March 15, 2017

رونالڈینہو برطانیہ سے تعلق رکھنے والی لائزر لیگز کی دعوت پر پاکستان کا دورہ کریں گے ۔ فوٹو فائل

اسٹار برازیلین فٹبالر رونالڈینہو نے شاہد آفریدی کو پاکستان کرکٹ کا ہیرو قرار دے دیا۔

رونالڈینہو نے سوشل میڈیا پر آفریدی کو خراج تحسین پیش کرتے ہوئے کہا ہے کہ شاہد آفریدی پاکستان کرکٹ کے ہیرو ہیں۔ انہوں نے مزید لکھا کہ جولائی میں اپنے دورہ پاکستان کا بے صبری سے منتظر ہوں۔

Feliz pelas palavras Shahid Afridi BOOM BOOM herói de críquete do Paquistão. Aguardo c grande expectativa minha visita ao Paquistão em julho
— Ronaldinho (@10Ronaldinho) March 15, 2017

رونالڈینہو برطانیہ سے تعلق رکھنے والی لائزر لیگز کی دعوت پر پاکستان کا دورہ کریں گے جہاں وہ پاکستان میں نوجوان پلیئرز کو جدید تکنیک سے آگاہ کریں گے اور دیگر نامور فٹبالرز کے ساتھ پاکستان فٹبال ٹیم کے ساتھ نمائشی فٹبال میچ بھی کھیلیں گے۔

اس خبر کو بھی پڑھیں :برازیلین فٹبالر رونالڈینہو پاکستان آئیں گے

واضح رہے کہ برازیلین اسٹار نے گزشتہ ہفتے سوشل میڈیا پر ایک مختصر وڈیو میں پاکستانی جھنڈا پکڑے ہوئے کہا تھا ''پاکستان! میں آ رہا ہوں۔''

Pakistan I'm coming! 🇵🇰 🙌🏽 #RonaldinhoInPakistan #worldgroup1912 #leisureleaguespk @leisureleagues pic.twitter.com/y6GwHf131r
— Ronaldinho (@10Ronaldinho) March 12, 2017

جس پر شاہد آفریدی نے جواباً لکھا تھا کہ پاکستان میں آپ کو خوش آمدید کہیں گے، آپ جیسے انٹرنیشنل اسپورٹس اسٹارز کی پاکستان آمد ہمارے لیے باعث مسرت ہے۔

- Welcome @10Ronaldinho it is good to see more international sportsmen visiting my beloved country... #football #Pakistan
— Shahid Afridi (@SAfridiOfficial) March 14, 2017