دھان پان سے شخص نے انٹرنیشنل میچ کے دوران بولنگ کا خواب پورا کرلیا

واقعہ سری لنکن اننگز کے 38 ویں اوور میں پیش آیا۔ فوٹو : اے ایف پی

---

پہلے ون ڈے کے دوران اسکور بورڈ پر مسلسل یہ عبارت دکھائی دیتی رہی کہ '' فیلڈ میں داخل ہونے والے شائق کو ساڑھے 8 ہزار ڈالر جرمانہ ادا کرنا پڑے گا''۔

مگر اس کے باوجود ایک دھان پان سا شخص سیکیورٹی اہلکاروں کو چکمہ دے کر میدان میں داخل ہو گیا، اس نے انٹرنیشنل میچ کے دوران بولنگ کا خواب منفرد انداز میں پورا کر لیا، شرٹ سے عاری شخص نے ٹینس گیند سے بولنگ کی، گڈلینتھ گیند آف اسٹمپ کے باہر سے گزر گئی، یہ واقعہ سری لنکن اننگز کے 38 ویں اوور میں پیش آیا، بعد میں سیکیورٹی اہلکار اسے پکڑ کر گرائونڈ سے باہر لے گئے۔