بنگلا دیش میں بجلی کی قیمت میں اضافے کے خلاف عوام سراپا احتجاج

پولیس نے احتجاج ختم کرانے کے لئے لاٹھی چارج اور واٹر کینن کااستعمال کیا تو مشتعل مظاہرین نے پتھراؤ شروع کر دیا۔ فوٹو: فائل

---

بنگلا دیش میں بجلی کی قیمت میں اضافے کے خلاف احتجاج اس وقت پرتشدد ہو گیا جب پولیس نے مظاہرین کو منتشر کرنے کے لئے لاٹھی چارج اور واٹر کینن کا استعمال کیا۔

غیرملکی خبررساں ادارے کے مطابق بنگلا دیش کے دارالحکومت ڈھاکا میں بجلی کی قیمت میں اضافے کے خلاف احتجاج کیا جا رہا تھا کہ پولیس کی جانب سے مظاہرین کو منتشر کرنے کے لئے لاٹھی چارج اور واٹر کینن کا استعمال کیا گیا جس پر مظاہرین مشتعل ہو گئے اورپولیس پر پتھراؤ شروع کردیا۔ پولیس کی جانب سے مظاہرین پر لاٹھی چارج سے متعدد افراد زخمی بھی ہوئے جب کہ کئی افراد کو گرفتار بھی کر لیا گیا۔