انڈین ویلز ٹینس ٹورنامنٹ میں راجر فیڈرر نے روایتی حریف رافیل نڈال کو ہرا دیا

کوارٹر فائنل میں راجر فیڈرر کا مقابلہ نک کریگوئس سے ہوگا۔ فوٹو فائل

---

انڈین ویلز ٹینس ٹورنامنٹ میں راجر فیڈرر نے روایتی حریف رافیل نڈال کو مات دیدی جب کہ عالمی نمبر 2 نووک جوکووک کو 21 سالہ آسٹریلوی پلیئر نک کریگوئس نے اپ سیٹ شکست دیتے ہوئے ایونٹ سے باہر کر دیا۔

انڈین ویلز ٹینس میں سوئس اسٹار راجر فیڈرر نے رافیل نڈال کے خلاف مسلسل تیسری کامیابی حاصل کر لی۔ ایونٹ کے راؤنڈ 16 میں انہوں نے روایتی حریف رافیل نڈال کے خلاف 6-2 اور 6-3 سے کامیابی سمیٹی۔ 21 سالہ آسٹریلوی پلیئر نک کریگوئس نے عالمی نمبر 2 سربین اسٹار نووک جوکووک کو 6-4 اور 7-6(7-3) سے اپ سیٹ شکست دیدی۔ اب کوارٹر فائنل میں راجر فیڈرر کا مقابلہ جوکووک کو ہرا کر خطرے کی گھنٹی بجانے والے نک کریگوئس سے ہو گا۔