شاہ رخ کی حیران کردینے والی تصاویر سوشل میڈیا پر وائرل

بالی ووڈ کنگ اداکارہ عالیہ بھٹ کی سالگرہ کی تقریب میں پہنچے جہاں کیمرے کی آنکھ نے ان کی یہ تصاویر محفوظ کرلیں، فوٹو؛ فائل

---

بالی ووڈ کنگ شاہ رخ خان کی ایسی تصاویر منظر عام پر آئی ہیں جس نے ان کے مداحوں کو حیرت میں مبتلا کردیا ہے۔



شاہ رخ خان نے فنی کیرئیر کا آغاز1992 میں فلم ''دیوانہ'' سے کیا لیکن شہرت انہوں نے ''بازی گر'' سے حاصل کی اور خود کو باکس آفس پر بالی ووڈ کا کنگ ثابت کیا۔



51 سالہ شاہ رخ خان کو فلم نگری میں 25 سال کا عرصہ ہوگیا ہے اوراب بھی فلموں میں مرکزی کردار کرتے اور جوان نظر آتے ہیں لیکن کنگ خان کی نئی تصاویر میں ان کے بڑھاپے کی دہلیز پر قدم رکھنے کی تصدیق کردی ہے۔

اس خبر کو بھی پڑھیں:شاہ رخ خان نے گوری سے 3 بار شادی کیوں کی؟



شاہ رخ خان اپنی ساتھی اداکارہ عالیہ بھٹ کی سالگرہ کی تقریب میں جب پہنچے تو کیمرے کی آنکھ نے ان کی وہ تصاویر محفوظ کرلیں جب ان کے چہرے پر کسی قسم کا کوئی میک نہیں تھا اور اداکار کے چہرے پر بڑھاپے کے آثار نمایاں تھے، تصویر میں دیکھا جاسکتا ہے کہ شاہ رخ کی داڑھی میں بھی سفیدی واضح طور پر جھلک رہی ہے۔

اس خبر کو بھی پڑھیں:شاہ رخ خان کو کندھے میں تکلیف، ڈاکٹرز نے سرجری کردی



کنگ خان کی یہ تصاویر سوشل میڈیا پر تیزی سے وائرل ہورہی ہیں اور مداحوں نے ان کی بدلی شخصیت پر بھی حیرانی کا اظہار کیا ہے۔



واضح رہے کہ کنگ خان فلم ''دی رنگ'' میں انوشکا شرما سے رومانس کرتے نظر آئیں گے۔