اداکارعمران عباس اورعائزہ خان کا نیا ڈرامہ''محبت تم سے نفرت ہے''مکمل ہوگیا ہے۔

ڈرامہ سیریل کے رائٹرخلیل الرحمن قمراورڈائریکٹر فاروق رند ہیں جب کہ دیگرفنکاروں میں کنزیٰ ہاشمی، ہارون قادوانی اور شہزاد شیخ شامل ہیں۔ واضح رہے کہ سیریل کا ٹائٹل سانگ راحت فتح علی خاں کی آوازمیں ریکارڈ کیا گیا ہے۔

'ایکسپریس' سے گفتگو کرتے ہوئے اداکارہ عائزہ خان نے کہا کہ عمران عباس کے ساتھ یہ میرا دوسرا ڈرامہ جس کے بارے میں بہت پرامید ہوں تاہم اس سے پہلے جب ہم نے'' تم کون پیا ''میں کام کیا تھا تو لوگوں کی طرف سے بہت اچھا رسپانس ملا تھا۔