افغانستان سے دہشت گردوں کا چیک پوسٹ پر حملہ 2 اہلکار شہید

لوئی شلمان پر دہشت گردوں کے حملے میں سیکیورٹی فورسز کے 4 اہلکار زخمی بھی ہوئے، آئی ایس پی آر۔ فوٹو: فائل

---

افغانستان سے دہشت گردوں نے خیبر ایجنسی کی تحصیل لنڈی کوتل میں سیکیورٹی چیک پوسٹ پر حملہ کیا جس کے نتیجے میں 2 اہلکار شہید اور 4 زخمی ہو گئے۔

پاک فوج کے شعبہ تعلقات عامہ (آئی ایس پی آر) کے مطابق افغانستان سے دہشت گردوں نے خیبر ایجنسی کی تحصیل لنڈی کوتل کے علاقے لوئی شلمان میں چیک پوسٹ پر حملہ کیا جس کے نتیجے میں 2 اہلکار شہید اور 4 زخمی ہو گئے۔

اس خبر کو بھی پڑھیں: شبقدر میں ایف سی ٹریننگ سینٹر پر دہشت گردوں کا حملہ ناکام

آئی ایس پی آر کے مطابق پاک فوج کی بھرپور جوابی کارروائی میں 6 دہشت گرد بھی ہلاک ہوئے تاہم ابھی تک دہشت گردوں کی شناخت اور ان کے تعلق سے متعلق معلومات حاصل نہیں ہو سکی ہیں۔