باسکٹ بال ویمنز ایونٹ آسٹریلیا نے برطانیہ پر ہاتھ صاف کر لیا

فرانس نے برازیل کو شکست دیدی، کروشیا کیخلاف امریکا فتحیاب، مینز میں تیونس کو مات

---

اولمپک مینز باسکٹ بال ٹورنامنٹ کے افتتاحی مقابلے میں نائیجیریا نے تیونس کو 60-56 سے شکست دے دی ، نائیجرین ٹیم کی فتح میں الید امینو نے اہم کردار ادا کیا انھوں نے 15 پوائنٹس اسکور کیے جبکہ اکے ڈائوگ نے 13 اور گذشتہ سیزن میں این بی اے میں نیو اورلینس کی نمائندگی کرنے والے الفاروق امینو نے 10 پوائنٹس اسکور کیے۔

تیونس اس وقت باسکٹ بال میں افریقن چیمپئن ہے تاہم وہ 1987 سے اولمپک میں نائیجیریا کو شکست نہیں دے سکا ہے، ویمنز باسکٹ بال ایونٹ میں آسٹریلیا نے میزبان برطانیہ کو 74-58 سے شکست دے دی، فرانس نے برازیل پر 73-58 سے ہاتھ صاف کیا،امریکا نے کروشیا کو 81-56 سے قابو کیا، ترکی نے انگولا پر 72-50 سے غلپہ پایا، روس نے کینیڈا کو 58-53 اور چین نے جمہوریہ چیک کو 57 کے مقابلے میں 66 پوائنٹس سے زیر کیا۔