ایل او سی پر بھارتی فوج کی بلااشتعال فائرنگ سے خاتون شہید آئی ایس پی آر

بھارتی فوج نے کوٹ کیہترا کے مقام پر شہری آبادی کو نشانہ بنایا جب کہ پاک فوج نے بھرپور جواب دیا، آئی ایس پی آر

ویب ڈیسک March 18, 2017

بھارتی فوج نے کوٹ کیہترا کے مقام پر شہری آبادی کو نشانہ بنایا جب کہ پاک فوج نے بھرپور جواب دیا، آئی ایس پی آر، فوٹو؛ فائل

BAHAWALPUR: لائن آف کنٹرول پر کوٹ کیہترا میں بھارتی فوج کی بلااشتعال فائرنگ سے خاتون شہید ہوگئی جب کہ پاک فوج نے بھارتی گولا باری اور فائرنگ کا بھرپور جواب دیا۔

پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے لائن آف کنٹرول پر ایک بار پھر اشتعال انگیزی کی اور کوٹ کیہترا میں بلا اشتعال فائرنگ اور گولا باری کی جس میں شہری آبادی کو نشانہ بنایا گیا۔ ترجمان پاک فوج کے مطابق بھارتی فوج کی فائرنگ سے60 سالہ خاتون شہید ہوگئی جن کا تعلق ٹھنڈی کہسی گاؤں سے ہے۔