پیپلزپارٹی نے ہمیشہ میثاق جمہوریت پرعمل کیا یوسف رضا گیلانی

سابق وزیراعظم یوسف رضا گیلانی نےکہا ہے کہ پیپلزپارٹی نے ہمیشہ میثاق جمہوریت پرعمل کیا۔

کراچی ایئرپورٹ پر میڈیا کے نمائندوں سے بات کرتے ہوئے یوسف رضا گیلانی نے کہا کہ تحریک منہا ج القرآن کے سربراہ ڈاکٹرطاہرالقادری کے پاس کوئی وژن نہیں اوریہی وجہ ہے کہ عوام ان کے ساتھ نہیں۔ انہوں نے کہا کہ رحمان ملک نے اگر لانگ مارچ کو غیر ملکی ایجنڈا کہا ہے تو وہ بہتر سمجھتے ہیں، اسلام آباد میں غیر ملکی سفارت خانے ہیں جہاں ان کا عملہ رہتا ہے اور ان کی حفاظت حکومت کا فرض ہے۔


یوسف رضاگیلانی نے کہا کہ چوہدری پرویز الہیٰ حکومت کے اہم اتحادی اور تجربہ کارسیاستدان ہیں اسی لئے انہیں نائب وزیراعظم بنایا گیا ہے،انہوں نے کہا کہ پیپلزپارٹی نے ہمیشہ میثاق جمہوریت پر عمل کیا ہے۔