KARACHI: مکلی کے یوٹیلٹی اسٹور میں ڈکیتی، ملزمان 2لاکھ روپے اور موبائل فون لوٹ کر فرار ہو گئے۔ تفصیلات کے مطابق رمضان المبارک کے مقدس مہینے کے دوران ٹھٹھہ میں ڈکیتی کی وارداتوں میں اضافہ ہوتا جارہا ہے۔

اتوار کے روزمکلی کے یوٹیلٹی اسٹور میں دن دہاڑے 4مسلح افراد داخل ہوئے اور عملے کے یرغمال بنا کر2لاکھ روپے نقد اور وہاں موجودخریداروں سے 5موبائل فون اور دیگر سامان لوٹ کر بآسانی فرار ہوگئے۔ ڈکیتی کی واردات کے باعث تاجروں میں خوف وہراس پھیل گیا ۔ واضح رہے کہ یکم رمضان سے اب تک ٹھٹھہ مکلی اور دیگر علاقوں سے 4موٹرسائیکلیں اور ایک کار بھی چھن چکی ہے۔